Mae Bwrdd Taliadau Annibynnol y Senedd yn gorff annibynnol sy'n gyfrifol am sicrhau bod gan Aelodau'r Senedd y tâl a'r adnoddau priodol sydd ar gael iddynt i ymgymryd â'u rôl. Mae hyn yn cynnwys pennu cyflogau Aelodau yn ogystal â'u lwfansau eraill fel costau staffio a chostau swyddfa.
Ategir gwaith y Bwrdd gan gyfres o egwyddorion sydd wedi'u diffinio'n glir:
- cymorth ariannol a chydnabyddiaeth ariannol i Aelodau gefnogi diben strategol y Senedd a hwyluso gwaith ei Haelodau;
- rhaid i benderfyniadau fod yn briodol yng nghyd-destun enillion Cymru ac amgylchiadau ariannol ehangach Cymru;
- rhaid i'r system o gymorth ariannol i Aelodau fod yn gadarn, yn glir, yn dryloyw, yn gynaliadwy, yn gynhwysol, ac yn cynrychioli gwerth am arian i'r trethdalwr.
Mae rhagor o wybodaeth am waith y Bwrdd ar gael ar y safle hwn.
Ymgynghoriad Diweddaraf
Lansiodd y Bwrdd ei ymgynghoriad ar Ran 2 o’r Adolygiad o’r Penderfyniad ar gyfer y Seithfed Senedd ar 2 Ebrill 2025. Bydd yr ymgynghoriad yn dod i ben ar 4 Mehefin 2025. Gallwch weld y cynigion yma.
Dr. Elizabeth Haywood
