Am y Penderfyniad

Egwyddorion Cymorth Ariannol: Dylai’r cymorth ariannol a’r taliadau i Aelodau gefnogi pwrpas strategol y Senedd a hwyluso gwaith ei Aelodau; rhaid i benderfyniadau fod yn briodol yng nghyd-destun enillion yng Nghymru ac amgylchiadau ariannol ehangach Cymru; a rhaid i’r system cymorth ariannol i’r Aelodau fod yn gadarn, yn glir, yn dryloyw, yn gynaliadwy a rhoi gwerth am arian i’r trethdalwr.

Rheolau Cyflwyno Hawliadau: Rheolau â’r nod o ategu’r egwyddorion sy’n sail i ad-dalu treuliau.

Taliadau Aelodau: Mae hyn yn cynnwys y cyflog y mae gan holl Aelodau a Deiliaid Swyddi yn y Senedd a Llywodraeth Cymru hawl i’w gael a manylion am eu cynllun pensiwn.

Cymorth Ychwanegol: Mae hwn yn amlinellu cymorth ychwanegol o ran anableddau, chyfrifoldebau gofal plant ac erall, ac absenoldeb rhiant.

Gwariant ar Lety Preswyl: Y swm y gellir ei ad-dalu i Aelodau am aros dros nos i ffwrdd o’u prif gartrefi mewn cysylltiad â’u rôl fel Aelod o’r Senedd. Mae’r swm hwn yn dibynnu a yw eu prif gartref yn yr ardal fewnol, ryngol neu allanol.

Siwrneiau’r Aelodau: Mae’r bennod hon yn ymdrin â’r mathau o siwrneiau y mae’r Aelodau yn eu gwneud ar fusnes y Senedd. Mae hefyd yn cynnwys siwrneiau gan bartneriaid, plant a staff yr Aelodau.

Costau Swyddfa: Lwfans i ad-dalu i Aelodau gostau rhesymol sy’n gysylltiedig â chynnal swyddfa ac ymgysylltu ag etholwyr.

Cymorth ar gyfer Aelodau’r Cynulliad: Costau gwariant staffio er mwyn galluogi’r Aelod i gyflawni ei ddyletswyddau fel Aelod.

Cymorth ar gyfer Pleidiau Gwleidyddol: Cymorth ar gyfer pleidiau ac Aelodau unigol i gyflawni eu gwaith yn y Senedd.

Aelodau sy’n Gadael y Swydd: Helpu’r rhai nad ydynt yn Aelodau mwyach i gwblhau unrhyw waith a oedd ar y gweill ar yr adeg iddynt beidio â bod yn Aelodau.