Adroddiad Blynyddol a Chyfrifon 2024-25

Mae Comisiwn y Senedd yn helpu i sicrhau llwyddiant hirdymor Senedd Cymru fel senedd gref, hygyrch, gynhwysol a blaengar—sy'n cyflawni'n effeithiol ar gyfer pobl Cymru.

Mae ein Hadroddiad Blynyddol a Chyfrifon yn nodi sut rydym wedi datblygu blaenoriaethau Comisiwn y Senedd o dan ein nodau strategol.

Ochr yn ochr ag uchafbwyntiau perfformiad a chyflawniadau, mae'r adroddiad yn cynnig adolygiad o'r flwyddyn: sut y gwnaed penderfyniadau, sut y defnyddiwyd adnoddau, a sut y cawsom ein dwyn i gyfrif.

 Mae'r cyfrifon—a gynhyrchwyd yn unol â chanllawiau Trysorlys EM ac a ardystiwyd gan Archwilydd Cyffredinol Cymru—yn rhan sylweddol o'r adroddiad.

Yn ystod y deuddeg mis diwethaf, mae ein sefydliad wedi symud ar gyflymder digynsail at y cyfnod o osod ei raglenni newid trawsnewidiol ar waith – Ffyrdd o Weithio a Diwygio’r Senedd.

—
Y Gwir Anrhydeddus Elin Jones AS
Y Llywydd, Senedd Cymru

Darllenwch y rhagair

Bu’r flwyddyn ddiwethaf yn un o edrych yn ôl ar chwarter canrif o ddatganoli, o barhau i wneud y Senedd bresennol yn senedd i bawb, ac o baratoi’n ddiwyd ar gyfer y Seithfed Senedd.

—
Manon Antoniazzi
Prif Weithredwr a Chlerc y Senedd

Darllenwch y cyflwyniad

Rydym yn ymdrechu i ddarparu cymorth seneddol o’r radd flaenaf, cadw dinasyddion wrth wraidd popeth a wnawn a defnyddio adnoddau'n gynaliadwy.

Eleni, rydym wedi parhau i wneud cynnydd. Dyma gyfle ichi fwrw golwg agosach ar yr hyn rydym wedi'i gyflawni—a sut rydym yn adeiladu ar gyfer y dyfodol.

Darllenwch fwy am yr hyn rydym ni wedi bod yn ei wneud eleni

Mae ein fframwaith llywodraethiant yn nodi sut mae Comisiwn y Senedd yn cael ei lywodraethu a'i reoli—a sut mae'n parhau i fod yn atebol am ei weithredoedd.

Mae'r adroddiad diweddaraf yn rhoi sicrwydd ynghylch sut mae'r fframwaith hwn yn cefnogi’r broses o gyflawni ein hamcanion strategol.

Archwiliwch yr adroddiad llawn i weld sut rydym yn gwneud i hyn weithio

Mae ein cyllideb yn cwmpasu costau rhedeg y Senedd, yn ogystal â chostau sy'n gysylltiedig ag Aelodau o’r Senedd—a bennir yn annibynnol gan y Bwrdd Taliadau.

Mae'r Adroddiad Blynyddol yn amlinellu ein perfformiad ariannol a gweithredol dros y flwyddyn.

Darllenwch fwy am ein perfformiad ariannol

Rydym wedi ymrwymo i fod yn senedd hygyrch sy'n cynrychioli pawb yng Nghymru—ac yn croesawu pobl o bob cwr o'r byd.

Rydym yn anelu at fod yn sefydliad cynhwysol ac enghreifftiol i'n staff, Aelodau o’r Senedd, a'r cyhoedd a wasanaethwn.

Darllenwch fwy am sut rydyn ni'n creu amgylchedd cynhwysol

Bob blwyddyn, rydym yn casglu, yn dadansoddi ac yn cyhoeddi data amrywiaeth ar broffil ein gweithlu, gweithgarwch recriwtio a chyflog staff.

Mae'r fewnwelediad hwn yn llunio ein dull o recriwtio a chyflogaeth gynhwysol—gan ein helpu i ddiwallu anghenion amrywiol ein staff, ac adeiladu gweithlu sy'n adlewyrchu'r cyhoedd a wasanaethwn.

Darllenwch ein hadroddiad ar y gweithlu yn llawn

Mae ein hymrwymiad i ddarparu gwasanaethau dwyieithog o'r radd flaenaf yn parhau i fod yn gryf.

Rydym, hefyd, yn canolbwyntio ar feithrin sgiliau iaith a hyder ar bob lefel o'r sefydliad.

At hynny, rydym yn agored o ran ein cynnydd—felly gallwch ei ddilyn, a bod yn rhan o'r daith.

Darllenwch am ein hymrwymiad i weithio'n ddwyieithog

Rydym yn gweithio i wneud gweithrediadau'r Senedd yn garbon niwtral erbyn 2030—sy’n rhan o'n hymrwymiad ehangach i gynaliadwyedd.

Mae ein hadroddiadau carbon Cwmpas 3 yn gwella ac rydym yn canolbwyntio ar gynhyrchu data cyflenwyr mwy cywir—gan dargedu'r meysydd sydd â'r potensial mwyaf i gael effaith.

Darllenwch fwy am sut rydym yn lleihau ein heffaith amgylcheddol